سطب Ubuntu خطوة بخطوة

ملحوظات مهمة قبل ما نبدأ

  • لو كارت الشاشة بتاعك AMD/ATI:

AMD/ATI مش منزلة drivers للنسخة الجديدة من Ubuntu. معني كدا إن مفيش غير الـOpen Source Drivers. طيب هو الـOpen Source Drivers دي وحشة؟ في ناس كتير في OSC شغالين بيها وزي الفل. في ناس تانية سبب لها مشاكل زي إن الجهاز يسخن أو الـGUI ميقومش وحاجات كدا.

لو لسا عايز تجرب حظك كمل قراية.

  • خد Backup:

يعني بجد خد backup علي الأقل للحاجات المهمة جداً علي جهازك. لو قريت واتبعت الخطوات بحذر إن شاء الله الdata بتاعتك هتكون في أمان. ممكن تحصل مشاكل تانية بس الـdata بتاعتك في أمان. بس ليه تخاطر؟ أصل كلنا بنغلط وبتفلت مننا. خد backup عشان خاطري. لو مخدتش كمل بس ركز أوي الله يكرمك.

يلا بينا علي أول خطوة:

لازم نعرف إذا كنت basic disk ولا dynamic disk.

Basic Disk VS Dynamic Disk

 

٦ حاجات لازم تعملها لما تصطب Ubuntu 16.04!

دلوقتي عندك Ubuntu 16.04 علي جهازك؟ ألف مبروك D: بس في شوية حاجات كدا ضروري تعملها.

١- نزل ubuntu-restricted-extras

لو لاحظت هتلاقي إنك مش عارف تشغل لا أغاني ولا أفلام. عشان كدا دي package فيها شوية codecs علي شوية حاجات tools كدا مفيدة. للأسف مش موجودة بشكل أساسي في Ubuntu لأسباب قانونية. بس لحسن الحظ سهل جداً ننزلها! D:

بكل بساطة دوس هنا!
Install Ubuntu Restricted Extras

أو ممكن تفتح الterminal وتكتب الcommand دا:

sudo apt install ubuntu-restricted-extras

Screenshot from 2016-04-27 11-39-23  Screenshot from 2016-04-27 11-41-38

 

بعدها هيطلب منك الpassword هتيجي تكتبها هتلاقيه مش بيكتب حاجة. hehe دا طبيعي متقلقش هو بياخد الpassword بتاعتك عادي بس مش بيعرض حاجة علي الشاشة عشان security وكدا D:

بس وبعد كدا انت هتعرف تكمل لوحدك عادي D:

٢- اعمل update.

يا إما تعمل update عن طريق Ubuntu Software. يا إما من الterminal اكتب:

sudo apt upgrade

٣- غير صورة الbackground!

بص هي أزواق بس أنا صورة الخلفية الأساسية بتاعة Ubuntu بتجيبلي اكتئاب D:

٤- نزل google chrome.

دي طبعاً خطوة إختيارية بس مهمة بالنسبة لناس كتير. أولاً لأن في ناس كتير بتحب chrome أكتر.

غير كدا Adobe قررت إن Flash مش هيبقي supported علي Linux. رغم إن معظم المواقع الكبيرة بقت دلوقتي تشتغل من غير Flash زي Facebook و Youtube وغيرهم. إلا إن لسا في بعض المواقع بتحتاج Flash. و Google Chrome بينزل وجواه Flash built-in.

من غير رغي كتير لو عايز Google Chrome نزله من هنا.

٥- ثبت الterminal في الlauncher.

صدق أو لا تصدق انت دلوقتي Linux user. دا معناه إنك هتستخدم الterminal كتير. فيستحسن تثبته في الlauncher عشان يبقي قريب منك.

Screenshot from 2016-04-27 11-39-37

زي ما في الصورة هتفتح الterminal و right click علي الicon بتاعته في الlauncher. وبعد كدا تختار Lock to Launcher.

٦- كلم صحابك عن Linux!

لو مؤمن بفكر البرمجة الحرة وأن الsource code بتاع البرامج المفروض يبقي مفتوح. فتخيل إن كل حاجة انت شايفها علي الشاشة دلوقتي أو مش شايفها حرة و Open Source!

من أول ما فتحت الجهاز لما طلعلك الmenu اللي بتختار منها عايز تخش علي Ubuntu ولا Windows مروراً بالLogin Screen لغاية ما دخلت وفتحت الinternet وشغال دلوقتي. كل دا كود حر تقدر تشوفه وتعدل فيه!

لو مؤمن بجمال الفكرة دي كلم صحابك عنها! ((: